Meeqqat atuarfianni naggataarlutik atuartut FA-milu atuartut agguaqatigiissillugu karakteerii kommuninut, suaassutsinut atuarfinnullu agguaanneri aammalu kommunit malillugit karakteerit agguaanneri tabelini takuneqarsinnaapput.

 

Siornatigut Ilinniartitaanermut Aqutsisoqarfiup kisitsisit Karakterdatabase-mi saqqummiuttarpai. Kisitsisaataasivimmi saqqummiussinermi nalunaarsuutit tamanut pisariinnerusumik atuisunullu piuminarsakkamik nassaarineqarsinnaalernissaat siunertaavoq. Massakkullu kisitsisaataasivik atorlugu meeqqat atuarfiini karakteerit ineriartornerat pisariitsumik malinnaaffigineqarsinnaalerpoq.

 

Annertunerusumik periaatsimut nassuiaat periaaseq pillugu nalunaarummi takuneqarsinnaavoq.

 

Meeqqat atuarfiini misilitsinnerit naammassineqarsimasut inerneri kisimik kisitsisitigut paasissutissani naatsorsorneqarneri erseqqissaatigineqarpoq. Taamatullu atuartut qanoq amerlatigisut inaarutaasumik misilitsinnermi peqataasimanngitsut nalunaarsuuteqannginnerat.